Liðsfélagar Gylfa vilja að nafn hans verði opinberað í breskum fjölmiðlum, en það hefur enn ekki verið gert enda lög þar í landi sem kveða á um að það sé bannað. Samkvæmt miðlunum The sun og Mirror er einn liðsfélagi Gylfa ekki kátur með framgöngu hans. Ástæðan er sú að hann á að hafa hringt ítrekað í hann, þrátt fyrir það að búið sé að banna öll samskipti liðsins við Gylfa.
Liðsfélögum Gylfa finnst mjög íþyngjandi að nafnið sé ekki nefnt því þeim finnst að á meðan það er ekki gert, liggi þeir allir undir grun. „Hreinsið okkur“ sögðu þeir og fram kemur að þeir séu búnir að grátbiðja yfirmenn liðsins að sjá til þess að nafn Gylfa verði gert opinbert svo þeir losni undan slúðri og rógburði. Liðsfélagarnir eru mjög pirraðir eftir fund sem var haldinn sem er sagður hafa verið mjög tilfinningaríkur. Þeir eru síður en svo sáttir við að hafa dregist inn í þetta mál.
Einn úr liðinu er bálreiður yfir því að hann á að hafa verið með fimm ósvöruð símtöl frá Gylfa, en búið er að fyrirskipa þeim að vera alls ekki í sambandi við hann. Þá er mikið álag á þeim vegna þess að aðrir leikmenn Everton séu búnir að vera að hringja í þá til þess að fá upplýsingar í smáatriðum um málið.
Í frétt The sun kemur einnig fram að búið sé að taka allt sem tengist Gylfa úr sölu í heimalandi hans.