• Orðrómur

Ofbeldismenn fái hjálp við skapofsa

Efnisorð

Deila

- Auglýsing -

Til að koma í veg fyrir ofbeldisbrot þurfa gerendur að hætta að beita ofbeldi. Staðreynd þessi kann að hljóma nokkuð hjákátlega í fyrstu, en er þó inntak kynningarfundar sem embætti Ríkislögreglustjóra, í samvinnu við félags- og barnamálaráðherra og dómsmálaráðherra boða til á morgun.

Gerendur ofbeldisbrota hafa fárra ef þá nokkurra úrræða á vegum hins opinbera notið til þessa, en með kynningarfundi á morgun sem er opinn öllum og streymt verður á Facebook verða fystu markvissu aðgerðirnar til að fækka ofbeldisbrotum með innleiðingu úrræða sem beinast að gerendum, kynntar almenningi.

- Auglýsing -

Á viðburðasíðu kemur fram að aðgerðir ríkisstjórnarinnar muni fela í sér hvatningarsamtöl forvarnarteyma með gerendum og sakborningum, þróað verði fræðusluefni fyrir sérfræðinga og almenning, tekin verði í notkun áhættumatskerfi fyrir ofbeldi í nánum samböndum og varðandi áhættu á kynferðisbrotum gegn börnum, auk þess sem verkferlar lögreglu við að draga úr áhættu á frekari brotum sakborninga verði þróaðir áfram.

Nýr vefur Neyðarlínunnar verður kynntur á fundinum á morgun, ásamt því sem ráðherrarnir Ásmundur Einar Davíðsson og Áslaug Anna Sigurbjörnsdóttir flytja erindi, en Sigríður Björk Guðjónsdóttir, ríkislögreglustjóri opnar dagskránna með sérstöku ávarpi.

Áhugasamir geta streymt kynningu í beinni gegnum Facebook: HÉR

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -