Miðvikudagur 29. júní, 2022
12.8 C
Reykjavik

Þórður Snær hneykslast á Brynjari: „Engin viðbrögð, engar afleiðingar.“

Helgarviðtalið

- Auglýsing -

Orðrómur

- Auglýsing -

Þórður Snær Júlíusson, ritstjóri Kjarnans og einn fjórmenninganna, sem lögreglan á Norðurlandi hefur boðað í yfirheyrslu vegna frétta er tengjast Samherja, er afar ósáttur við Brynjar Níelsson aðstoðamann Jóns Gunnarssonar dómsmálaráðherra.

Brynjar skrifaði Twitter færslu í gær sem vakti undrun enda ekki algengt að aðstoðamenn ráðherra geri grín að fólki sem er í sakamálarannsókn. Færsta Brynjars er eftirfarandi:

„Fjölmiðlamenn eru að slá í gegn sem aldrei fyrr. Nú þurfum við að verja þá gegn ofsóknum lögreglu og stjórnmálamanna. Gætum byrjað á að stofna áfallahjálparsjóð. Svo gætum við undanþegið þá frá ákvæðum hegningarlaga og laga um meðferð sakamála.“

Þórður Snær, einn þeirra sem Brynjar er að tala um er alls kostar óánægður með Brynjar og skrifar færslu á Twitter og hlekkjar færslu Brynjars við. Færsla Þórðar Snæs er svohljóðandi:

„Aðstoðarmaður ràðherra sem er æðsti yfirmaður lögreglunnar í landinu gjörið svo vel. Gerir grín að fólki sem er í sakamálarannsókn. Þetta þykir bara sæmandi fyrir mann í hans stöðu. Engin viðbrögð, engar afleiðingar.“

Halldór Auðar Svansson varaþingmaður Pírata skrifar athugasemd og kallar orð Brynjars gaslýsingu.

- Auglýsing -

„Gaslýsing. Eins og þetta snúist um einhverjar særðar tilfinningar en ekki prinsipp.“

Lögmaðurinn Ómar R. Valdimarsson skrifar athugasemd og fer beint í manninn en sleppir boltanum. „Er hægt að vera meira fórnarlamb en þú, Doddi?“

Þórður Snær svarar að bragði: „Gæti náttúrulega verið aftan í sjúkrabílunum sem þú stundar að elta. Og orðið fórnarlamb þitt.“

- Auglýsing -

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -