- Auglýsing -
Bubbi Morthens er á meðal athyglisvænni Íslendinga og gjarnan eftirsóttur í viðtöl sökum hömlulítillar einlægni. Bubbi var fyrsti gestur þáttarins Félagsheimilið á Rás 2 sem Siggi Gunnars og Friðrik Ómar stýra af fagmennsku og taumlausri gleði. Bubbi var fenginn til þess að svara spurningum sem enginn vill svara. Þegar kom að því að svara því hver væri uppáhaldslíkamshluti poppkóngsins urðu bæði hjarta og heili að víkja fyrir typpinu á karlinum sem er í mestu uppáhaldi, þáttastjórnendum til mikillar ánægju. Ótrúlega einlægt svar eldri manns sem er hæstánægður með þetta tiltekna líffæri. Önnur svör hans voru sum á dýptina en af sömu einlægni. Frábær þáttur hjá ljósvíkingunum á Rás 2 …