2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Umferðartafir á annatíma hafa aukist um nærri 50 prósent á örfáum árum“

Ýmis áhugaverð ummæli voru látin falla í vikunni. Hér eru nokkur þeirra. Umferðatafir, félagsþjónusta í Garðabæ og forvarnir er meðal þess sem rataði í umræðuna í vikunni.

 

„Þetta er eins og í vanþróuðu ríki.“
-Vigdís Hauksdóttir, oddviti Miðflokksins í Reykjavík, fór í vettvangskönnun um nokkur hverfi í Reykjavík og leist ekki á blikuna.

„Það er í það minnsta ekki hugrekki ef fólk bugtar sig og beygir fyrir þeim sem hafa hæst, þeim sem láta formælingar fjúka í stað skynsamra skoðanaskipta.“
-Guðni Th. Jóhannesson, forseti Íslands, lét þessi orð falla þegar hann setti Alþingi í vikunni og bað þingmenn enn fremur um að sýna auðmýkt í samskiptum.

„Garðabær er ekki með neina þjónustu fyrir útigangsfólk. Félagsleg þjónusta er næstum því engin. […] Styrkja ekki einu sinni Kattholt.“
-Jón Gnarr, rithöfundur og fyrrverandi borgastjóri.

AUGLÝSING


„Hvernig stendur á því að stjórnarandstaðan, Samfylking og Píratar hafa ekki sagt orð um Hvalárvirkjun, …. ekki orð.“
-Elísabet Jökulsdóttir rithöfundur.

„Á sama tíma og frelsi fer vaxandi á flestum sviðum þjóðfélagsins […]  er sláandi að verða vitni að útskúfun hugmynda og allsherjar jafnvel viðurkenndrar þó háleynilegrar skoðanaþöggunar sem barin er fram með sleggju einhvers konar pólitísks rétttrúnaðar.“
-Benedikt Lafleur Sigurðsson, formaður Lýðræðisflokksins, segir stalínískan hugsunarhátt færast í aukana á Íslandi.

„Alls ekki sammála nýjum dómsmálaráðherra að það sé „mjög ánægjulegt“ að yfirdeild MDE taki fyrir Landsréttarmálið. Það er ekki „mjög ánægjulegt“ að hér ríki áframhaldandi óvissa í dómskerfinu + 4 dómarar séu í leyfi v. málsins og Landsréttur óstarfhæfur!“
-Rósa Björk Brynjólfsdóttir, þingmaður Vinstri grænna.

„Þetta er óvenjulegur pólitískur þrýstingur.“
-Ólafur Ragnar Grímsson, stofnandi Hringborðs norðurslóðanna og fyrrverandi forseti Íslands, undrast að Mike Pence, varaforseti Bandaríkjanna, skuli hafa hvatt Íslendinga til að hafna viðskiptum við kínverska tæknirisann Huawei.

„Í ár verður tæplega níu milljónum klukkustunda sóað í umferðartafir innan höfuðborgarinnar. Umferðartafir á annatíma hafa aukist um nærri 50 prósent á örfáum árum. […] Þessar tafir samsvara um 40 klukkustundum – eða heilli vinnuviku – á hvern höfuðborgarbúa árlega. Það eru váleg tíðindi.“
-Hildur Björnsdóttir, borgarfulltrúi Sjálfstæðisflokksins.

„Forvarnir felast ekki í því að segja sögur af neyslu né í því að búa til bíómyndir um neyslu.“
-Kristín I. Pálsdóttir, ein af talskonum Rótarinnar, félags um málefni kvenna með áfengis- og fíknivanda, gagnrýnir forvarnastefnu harkalega.

Ekki missa af þessum

Annað áhugavert efni

Nýjast á Mannlíf.is