Þriðjudagur 29. nóvember, 2022
6.1 C
Reykjavik

Hátíðarblaðið er komið út: Fjölbreytt innlit og litið yfir farinn veg

Helgarviðtalið

- Auglýsing -

Orðrómur

- Auglýsing -

Hátíðarblaðið er komið út! Við heimsóttum fimm falleg heimili sem eru hvert öðru ólíkara. Íbúð hjónanna Erlu Báru og Egils prýða forsíðuna en húsið stendur við sjóinn í Hafnarfirði. Þau fluttu inn fyrir níu mánuðum síðan og hafa unnið hörðum höndum að endurbótum sem berja má augum í blaðinu.

Við kíktum einnig í heimsókn til listakonu á Lindargötu. Hún býr í fallegri útsýnisíbúð þar sem list og einstakir munir eru á hverju strái.

Í sögulegu húsi á Langholtsvegi búa lögmennirnir Sævar Þór Jónsson og Lárus Sigurður Lárusson ásamt syni þeirra Andra. Húsið hefur verið í eiga fjölskyldunnar í um 50 ár og hafa þeir nú gert húsið að sínu. Fallegir munir og mublur í anda hússins eiga sinn stað á heimilinu í bland við nýrri hönnun.

Kíkt heim til Sævars Þórs Jónssonar og Lárusar Sigurðar Lárussonar. Mynd / Hákon Davíð

Rúna Kristinsdóttir hönnuður opnaði einnig dyrnar fyrir okkur en hún hefur búið sér öðruvísi heimili í Kópavoginum þar sem íburðamiklir hlutir og list eru í forgrunni.

Halldóra Sif hönnuður sem hannar undir merkinu Sif Benedicta býr í glæsilegu húsi í Mosfellsbæ ásamt manni sínum og þremur börnum. Fjölskyldan flutti inn fyrr á þessu ári en þá var húsið á byggingarstigi fimm. Þau hafa komið sér einstaklega vel fyrir á stuttum tíma en Halldóra sá sjálf um að teikna upp og hanna allar innréttingarnar.

Heima hjá Halldóru Sif. Mynd / Unnur Magna

Einnig fengum við hönnuði til þess að horfa yfir veginn 2019/2020.

- Auglýsing -

Leifur Ýmir Eyjólfsson myndlistarmaður opnaði nýverið sýninguna Handrit III þar sem hann sýnir verk sem innihalda hversdagslega heimspeki sem við verðum flestöll vör við á einn eða annan hátt í daglegu lífi. Hann opnaði vinnustofu sína fyrir okkur og fengum við að skyggnað örlítið á bak við tjöldin.

Heiðdís Buzgó ung listakona búsett á Akureyri hannaði póstkortið fyrir okkur að þessu sinni. Hún leitast við að skapa það óvenjulega og myndskreytti hún til að mynda sína fyrstu barnabók á þessu ári.

Hugmyndir að jólaskreytingum er einnig að finna í blaðinu ásamt svo mörgu öðru – innblástur inn í hátíðirnar. Mynd / Hákon Davíð

Tryggðu þér áskrift að Hús og Híbýli í vefverslun

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -