Poppdrottningin Britney Spears birti furðulegt myndband á Instagram í gær þar sem hún sést dansa og bresta í grát.
Síðan Britney Spears losnaði undan ægivaldi föður síns í fyrra, hefur hún oft tjáð sig um málið á Instagram-reikningi sínum, meðal annars hefur hún talað um hvað hún fagni frelsinu og að hún hafi misst af svo miklu á meðan faðir hennar stjórnaði lífi hennar. Í nýju myndbandi snýr hún sér hring eftir hring í tjáningardansi og brestur í lok myndbandsins í grát. En hún skrifar texta við myndbandið þar sem hún segist ekki vera að fá taugaáfall, þetta sé bara losun.
„Það er orðið svolítið langt síðan ég grét síðast fyrir framan myndavélina. !!! Þetta er ekki taugaáfall fávitar, þetta er losun sem ég hef haft þörf á í langan tíma !!! Andleg upplifun sannarlega !!! Ég held ég þurfi að gera þetta mun oftar 🌹🌹🌹 !!!“
Aðdáendur poppdrottningarinnar hafa margir hverjir skrifað athugasemdir við færsluna og hvatt hana til dáða. Einn þeirra skrifaði: „Þú ert listamaður Brit … tjáðu þig!“ Annar sagði: „Gerðu það sem þú þarft til að heila þig, Britney. Þú átt það skilið!“
View this post on Instagram