Sumaráætlun Icelandair mun vera sú stærsta í sögu félagins og umhverfi flugfélaga um allan heim stendur í miklum blóma um þessar mundir. Þannig hafa hlutabréf helstu flugfélaga heims hækkað um tugi prósenta undanfarna mánuði, samhliða auknum hagnaði og bjartari framtíðarspám.
Hlutabréf Icelandair hafa hinsvegar verið í nánast frjálsu falli og lækkað um 20 prósent í sumar. Markaðsvirði fyrirtækisins er nú um 76 milljarðar króna. Bogi Nils Bogason, forstjóri Icelandair, státaði sig nýlega af því að lausafjárstaða félagsins hefði aldrei verið sterkari. Athygli vekur að lausafjárstaðan er nú væntanlega nokkuð hærri en markaðsvirði allra hlutabréfa félagsins á markaði. Fjárfestar eru margir vonsviknir með Boga og segja forstjórann í miklu lágflugi. Það virðist ekki fara saman „hljóð og mynd“ eins og einn álitsgjafi Mannlífs orðaði það. Umsvif Icelandair eru í hámarki, umhverfið í miklum blóma, ferðamenn hafa sjaldan verið fleiri, og fyrirtækið liggur á digrum sjóðum. Engu að síður virðast fjárfestar hafa litla trú á Icelandair.
Bogi var ráðinn forstjóri Icelandair á árinu 2018 og þótti standa sig með ágætum í endurreisn félagsins. Nú flýgur fyrir að trúverðugleiki Boga valdi áhyggjum innan stjórnar Icelandair. Bogi virðist í það minnsta ekki ná eyrum fjárfesta …