Davíð 100 sinnum í bók Jóns Ásgeirs

Davíð Oddsson, ritstjóri Morgunblaðsins og fyrrverandi allskonar, er efst í huga Jóns Ásgeisr Jóhannessonar athafnamanns ef marka má nýja bók þeirra Einars Kárasonar, rithöfundar og varaþingmanns Samfylkingarinnar. Nafn Davíðs kemur 100 sinnum fyrir í bókinni og langoftast sem ódámur. Til samanburðar kemur nafn Jóhannesar Jónssonar í Bónus, föður Jóns Ásgeirs 69 sinnum fyrir. Svo virðist sem bókinni sé ætlað að undirstrika og staðfesta eineltishneigingar og vonsku Davíð fremur en sögu Jóns Ásgeirs, sem er þó merkileg ef horft er til þess að hann á stærstan þátt í stofnun Bónus þótt seinna lægju leiðir hans um refilstigu vafasamari viðskipta en þau sem voru í þágu litla mannsins. Einhver kynni að segja að Jón Ásgeir hefði létt Íslendingum meira lífið með Bónus en Davíð með öllu sínu pólitíska brölti. En bókin er tárvot fórnarlambsvæðing töffarans Jóns Ásgeirs og sumpart tilhneiging til hvítþvottar. Söguhetjunnni er enginn greiði gerður með þessum vinnubrögðum. Einhver ætti að taka að sér að skrifa betri bók um Jón Ásgeir þar sem syndir hans og afrek væru tíunduð …