Heyrst hefur…

Deila

- Auglýsing -

Heyrst hefur…

Siggi Hlö

… að útvarpsmaðurinn og ferðaskrifstofugæinn Sigurður Hlöðversson hafi nýlega verið í Bandaríkjunum að kynna sér flotta golfvelli fyrir Visitor ferðaskrifstofu. Að hans sögn fann hann nokkra flotta.

Mímir Bjarki Pálmason

Styr Orrason.

… að minnst tveir meðlima leikhóps sýningarinnar Ðe Lónlí Blú Bojs séu með sviðsframkomuna í genunum. Mímir Bjarki Pálmason er sonur leikarans ástsæla Pálma Gestssonar og Sigurlaugar Halldórsdóttur flugfreyju. Styr Orrason er sonur Orra Haukssonar, forstjóra Símans, sem tók meðal annars þátt í Morfís á sínum menntaskólaárum, og fyrrum konu hans, Önnu Linnet Þorsteinsdóttur. Mímir og Styr eru aðeins 19 ára gamlir og miðað við frammistöðu þeirra í sýningunni um Ðe Lónlí Blú Bojs er leiklistarferilinn bjartur, kjósi þeir að fara þá leið.

Anna Hafþórsdóttir

… að Anna Hafþórsdóttir skrifaði nýlega undir samning við Zik Zak kvikmyndir um framleiðslu á þáttum sem hún hefur verið að skrifað undanfarið. Anna er að vonum glöð og spennt fyrir komandi tíma. Kærasti Önnu, Brynjólfur Þorsteinsson, gefur út fyrstu ljóðabók sína, Þetta er ekki bílastæði, í byrjun nóvember. Bjarni Hafþór Helgason, pabbi Önnu, gaf nýlega út bókina Tími til að tengja. Hvað ætli þau spjalli um í fjölskylduboðunum?

Bjarni Hafór Helgason

Baldvin Jónsson

… að Garðbæingurinn Baldvin Jónsson safni í hóp til að bjarga Hegningarhúsinu á Skólavörðustíg. Bjarni er sem kunnugt er faðir Þóru Margrétar eiginkonu Bjarna Benediktssonar fjármálaráðherra. „Viljið þið vera með í okkar liði sem hefur á stefnuskrá að bjarga þessu magnaða húsi sem verður 150 ára innan tíðar. Húsið hefur stórmerkilega sögu að geyma sem ekki má glata. Sýnum samfélagslega ábyrgð með því að setja „like“ eða ummæli hér. Ef þátttaka er næg verður búinn til hópur þar sem hugmyndum verður safnað og birtar. KOMA SVO,“ skrifar Baldvin á Facebook.

Skjáskot / Facebook

… Baldvini er hér með bent á að Hegningarhúsið var friðað 18. ágúst 1978 í b-flokki af þáverandi menntamálaráðherra samkvæmt 1. mgr. 26. gr. og 27. gr. þjóðminjalaga nr. 52/1969. Friðun tekur til ytra borðs ásamt álmum beggja hliða og anddyri með stiga. Hins vegar er rétt að húsinu þarf að bjarga frá því að verða enn eitt gistirýmið í hjarta miðborgarinnar.

- Advertisement -

Athugasemdir