Bragðmikill og hollur réttur sem slær í gegn.
Hvítlauksþorskur með karrí-kúskús
fyrir 3-4
200 g kúskús
1 tsk. salt
1 ½ tsk. Gult karrímauk
¼ tsk. túrmerik, má sleppa
700 g þorskur í bitum
safi úr einni sítrónu
5 msk. ólífuolía
3 msk. bráðið
smjör
1 dl hveiti
1 tsk. kóríander, malaður
1 tsk. Paprikukrydd að eigin vali
1 tsk. kummin, malað
1 tsk. salt
½ tsk. pipar
2 msk. ólífuolía til steikingar
5 hvítlauksgeirar, maukaðir
hnefafylli söxuð steinselja
Setjið kúskúsk í pott með vatni og bætið karrímauki, salti og túrmeriki saman við. Eldið samkvæmt leiðbeiningum á pakka. Setjið til hliðar.
Blandið sítrónusafa, ólífuolíu og smjöri í skál, setjið til hliðar. Í annarri skál blandið saman hveiti, kóríander, paprikukryddi, kummin, salti og pipar, setjið til hliðar. Þerrið fiskbitana og dýfið í sítrónublönduna og svo í hveitiblönduna.
Hitið ólífuolíu á pönnu og steikið fiskinn á 2-3 mín. á hvorri hlið. Bætið hvítlauki út á pönnuna ásamt restinni af sítrónublöndunni. Setjið lok á pönnuna og lækkið undir. Eldið fiskinn í 3-4 mín. með lokinu.
Berið fram með kúskús og skreytið ef til vill með agúrku og tómötum.
Létt límónusósa
3 msk. Sýrður rjómi 18%
1 tsk. límónusafi
½ tsk. salt á hnífsoddi
Blandið saman og berið fram með réttinum.
Texti / Bergþóra Jónsdóttir
Mynd / Unnur Magna