Sunnudagur 29. maí, 2022
12.1 C
Reykjavik

Sprungnar súkkulaðismákökur með kaffi

Helgarviðtalið

- Auglýsing -

Orðrómur

- Auglýsing -

Jólin verða seint fullkomnuð ef ekki eru smákökur í húsinu, bökunarlyktin ein og sér er til þess fallin að koma flestum í jólaskap í myrkasta skammdeginu.

 

Hér kemur ein frábær uppskrift að ljúffengum smákökum.

 

Sprungnar súkkulaðismákökur með kaffi
u.þ.b. 30 smákökur

 

100 g hveiti
½ tsk. lyftiduft
¼ tsk. salt
2 msk. kakó
200 g suðusúkkulaði
60 g smjör
2 tsk. skyndikaffiduft
70 g sykur
2 egg, við stofuhita
100 g flórsykur

Sigtið hveiti, lyftiduft, salt og kakó ofan í skál og hrærið þar til allt hefur blandast vel saman. Bræðið súkkulaðið saman við smjörið yfir heitu vatnsbaði. Hrærið skyndikaffið saman við. Takið af hitanum og setjið til hliðar. Þeytið sykurinn saman við eggin í hrærivél þar til blandan þykknar.

- Auglýsing -

Notið sleikju til að blanda súkkulaðiblöndunni varlega saman við þar til allt er vel samlagað. Blandið hveitinu út í á sama hátt. Geymið í kæli í 1-2 klukkustundir til að leyfa deiginu að stífna.

Hitið ofninn í 170°C og leggið bökunarpappír ofan á ofnplötu. Takið deigið úr ísskápnum og mótið litlar kúlur í höndunum (u.þ.b. 3 cm að þvermáli). Veltið kúlunum upp úr flórsykrinum og raðið á ofnplötuna, passið að hafa gott bil á milli.

Bakið í 10-12 mínútur. Smákökurnar eiga að vera vel bakaðar á endunum en mjúkar í miðjunni. Látið smákökurnar kólna í smástund á ofnplötunni áður en þær eru færðar yfir á grind til að kólna alveg.

- Auglýsing -

Umsjón / Nanna Teitsdóttir
Stílisti/ Hanna Ingibjörg Arnarsdóttir
Ljósmyndari / Hákon Davíð Björnsson

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -