Birgir úthrópaður fyrir svik

Birgir Þórarinsson, nýorðinn þingmaður Sjálfstæðisflokksins, á sér fáa málsvara eftir að hann fór undir fölsku flaggi í gegnum kosningabaráttuna og stakk svo af frá Miðflokknum yfir í Sjálfstæðisflokksins. Liðhlaupið er fordæmt af flestum, nema þingflokki Sjálfstæðisflokksins. Birgir hefur borið fyrir sig Klausturmálið þar sem ölvaðir þingmenn flokksins formæltu andstæðingum jafnt sem samherjum. Birgir gagnrýndi félaga sína en hélt samt áfram samstarfinu og fór í kosningar undir gunnfána Miðflokksins á Suðurlandi. Það þykir svo til marks um siðferðisviðmið Bjarna Bendiktssonar formanns að taka liðhlaupinu fangnandi og bjóða Birgi velkominn. Heiðarlegri hluti Sjálfstæðisflokksins tekur sendingunni illa. Þeirra á meðal er Veronika Steinunn Magnúsdóttir, formaður Heimdallar, sem, telur að vistaskipti Birgis geri verulega lítið úr prófkjörsbaráttu Sjálffstæðisflokksins og vilja kjósenda hans. Fjölmargir taka í sama streng og Birgir er úthrópaður á meðan Sigmundur Davíð Gunnlaugsson, formaður Miðflokksins, uppsker samúð vegna svikanna …