Orkusalan hyggst byggja tvær vindmyllur skammt frá Lagarfossvirkjun í Múlaþingi.
Samkvæmt frétt Austurfréttar eru áform Orkusölunnar um byggingu tveggja vindmylla aftur komin á fullt skrið eftir að hafa verið sett í salt. Hugmyndin kom fyrst fram árið 2018 en þá vildi Orkusalan sem sér meðal annars um rekstur Lagarfossvirkjunnar, kanna hagkvæmnina við uppbyggingu vindorku á svæðinu.
Fram kemur í frétt Austurfréttar að til að byrja standi til að byggja 50 metra hátt könnunarmastur til að mæla nákvæman vindhraða, vindáttir og aðrar mögulegar breytur á svæðinu svo hægt sé að leggja mat á áskjósanleika þess að byggja vindmyllur þar. Verði niðurstaðan jákvæð planar Orkusalan að hefja byggingu vindmyllanna en rafmagnsframleiðsla þeirra færi beint inn á orkunetið við virkjunina.
Fyrir rúmu ári voru komnar fram óskir um breytt deiliskipulag svo að fyrirtækið gæti byrjað á verkinu voru komnar fram hjá Fljótsdalshéraði en stuttu seinna var það sveitarfélag sameinað öðrum undir nafninu Múlaþing. Í samtali við Austurfréttir segir framkvæmdarstjóri Orkusölunnar, Magnús Kristjánsson, ástæðuna fyrir söltun á verkinu hafa bæði verið sameiningin og heimsfaraldurinn sem enn hrellir landann.
Nú hefur sem sagt Múlaþingi borist sama erindi frá Orkusölunni og því hugmyndin komin á fullt skrið aftur.