Megas á heiðurslaunum

Tónlistarmaðurinn Megas er í miklum vanda eftir að Stundin birti viðtal við Bergþóru Einarsdóttur, sem lýsti þvði hvernig Megas og Gunnar Þór Jónsson, kenndur við Súkkat, misnotuðu hana báðir gróflega. Megas jók á harm Bergþóru þegar hann samdi lag og texta um atvikið og kallaði hana Litlu ljót. Lagið fluttu meintir gerendur með hljómsveitinni Megasukk. Bergþóra leitaði til lögreglunnar á sínum tíma sem vildi lítið gera og bar við fyrningu atvikisins og felldi málið niður. Megas er á heiðurslaunum frá þjóð sinni sem listamaður sem gerir málið allt enn alvarlegra. Fólki er brugðið og fjölmargir hafa fordæmt framferði hans og snúið við honum baki. Þar má nefna Bubba Morthens áður stórvin hans. Ólíklegt er að hann verði sviptur þeim heiðri og launum sem fylgja því vera heiðurslistamaður þjóðarinnar en einhverjir eru á því máli að framkoma þessi sé ekki sæmandi þeim sem ber þann titil. Sjálfur hefur Megas ekkert sagt um málið …