Lögreglan í Oregon fylki í Bandaríkjunum er ráðþrota í rannsókn sinni á sex líkum sem fundist hafa síðastliðna þrjá mánuði. Allt eru þetta konur undir fertugu og fundust þær á stórum skógarsvæðum.
Þann 19 febrúar síðastliðinn fannst hin 22 ára Kristin Smith látin. Henni var saknað síðan 22. desember. JoAnna Speaks, 32 ára, fannst látin í byrjun apríl. Lík hennar var inni í hlöðu á yfirgefinni lóð. JoAnna var þriggja barna móðir.
„Það er ekki mikið um morðmál á þessu svæði, sérstaklega ekki af þessu tagi,“ sagði lögreglumaðurinn Chris Skidmore.
Lík Charity Lynn Perry fannst nálægt hraðbraut á sama svæði og hinar konurnar. Hún var 24 ára. 3. apríl fannst kona sem enn á eftir að bera kennsl á en hún er sögð hafa verið á milli 25 og 50 ára, með svart meðalsítt hár. Í byrjun maí fannst síðasta líkið en það var hin 22 ára Ashley Reel. Ekki er staðfest að mál kvennanna séu tengd en líkur eru taldar vera á því að sami aðili beri ábyrgð á andláti þeirra.