Daði Logason, sem er nemandi í 10. bekk í Laugalækjarskóla, sigraði í stærðfræðikeppni sem MR hélt fyrr í vetur.
Það er Samstöðin sem greindi fyrst frá.
Voru úrslit gerð kunn í hádeginu í dag; að viðstöddu fjölmenni í hátíðarsal Menntaskólans í Reykjavík.
Voru þeim tíu efstu nemendum í áttunda, níunda sem og tíunda bekk veittar viðurkenningar fyrir frábæra frammistöðu.
Í keppninni bar Daði höfuð og herðar yfir aðra keppendur í tíunda bekk; hlaut 95 stig.
Metþátttaka var nú í keppninni; 150-160 úrvalsnemendur í stærðfræði spreyttu sig á stærðfræðiþrautum.
Daði hefur tekið þátt í stærðfræðikeppnum framhaldsskólanna síðustu árin með afar góðum árangri; hann er ennþá í grunnskóla.
Já, hvað sem hver segir, þá er framtíðin björt.