Ættingjar hissa að sjá Magnúsi stillt upp sem Seljaskólapervertinn: „Mjög óþæginlegt“

Efnisorð

Deila

- Auglýsing -

Magnús Þór Jónsson, skólastjóri Seljaskóla, er reiður út í fjölmiðla fyrir að hafa birt af sér forsíðumynd í gær undir fyrirsögn um perraskap þar sem fjallað var um karlmann sem hefur berað sig fyrir nemendur skólans. Það gerðist tvo daga á röð, bæði í gær og fyrradag, og báða dagana tókst fjölmiðlum að skella saklausum mönnum undir perrafyrirsagnir. Í fyrra tilvikinu var um að ræða Atla Má Gylfason blaðamann sem sat jafnframt með barn sitt í fanginu.

Umræddur Seljaskólapervert hefur ekki ennþá náðst og heldur skólastarfi Seljaskóla í gíslingu. Í samtali við Mannlíf rétt í þessu segir Magnús frímínútur nýliðnar þar sem fjölmennt lögreglulið var á verði. „Nú hafa þetta verið tveir dagar í röð og það þrátt fyrir viðbúnað lögreglu. Lögreglan tekur þetta mjög alvarlega og fullt af lögreglubílum á svæðinu,“ segir Magnús og bætir við hversu óþæginlegt það var í gær að hafa verið myndbirtur sem perri hjá bæði Fréttablaðinu og DV:

„Ég var ekki alveg sáttur. Við getum alveg orðað það þannig að myndnotkunin var mjög óheppileg. Því miður virðist fjöldi einstaklinga ekki lesið greinina en tengdu bara andlit mitt við fyrirsögn. Augljóslega var það mjög óþæginlegt, bæði fyrir mig og fjölskyldu og góða vini.“

Magnús hefur varað alla foreldra skólans við karlmanni sem beraði sig fyrir framan nemendur skólans í gær og fyrradag. Börnunum var eðlilega mjög brugðið og lögregla rannsakar atvikið. Frímínútnagæsla í skólanum hefur verið aukin og lögreglan biður foreldra um að vera á varðbergi.

Í fyrradag flutti Vísir svo frétt af fyrra tilvikinu sem Breiðholtsperrinn beraði sig fyrir framan börnin í Seljaskóla. Þá var Atla smellta á forsíðuna þar sem hann sat með unga dóttur sína í fanginu. Fjölmargir netverjar hafa gagnrýnt myndbirtinguna, meðal annars inni í hópi áhugafólks um fjölmiðla á Facebook.

Á Twitter vakti Guðmundur Jörundsson fatahönnuður athygli á þessu og virðast flestir sammála honum, ef marka má fjölda læka. Guðmundur deilir skjáskoti af fréttinni þar sem rætt er við Atla Má og segir framsetninguna sturlaða. „Vá hvað það er sturlað að birta þessa fyrirsögn með mynd af manni sem er ekki umræddur pervert og það með barnið sitt í fanginu. Mér finnst eitthvað svo extra svívirðilegt að hann haldi á barninu sínu á myndinni,“ segir Guðmundur.

Í athugasemdum við tístið merkir kona nokkur Jakob Bjarnar Grétarsson, blaðamanninn sem skrifaði fréttina, og spyr hvort það megi ekki endurskoða þetta. Jakob svarar og harðneitar. „Nei, mér finnst það ekki rétt. Hér er augljóslega um heldur ömurlega rangtúlkun að ræða og það getur ekki verið viðmiðið,“ segir Jakob og bætir við í öðru tísti:
„Ekki að það skipti máli, né að blm eigi að ráðgast við viðmælendur en hann sendi myndina til birtingar að höfðu samþykki móður og sá ekkert að framsetningunni. Eiga fjölmiðlar að taka mið af gagnrýni sem er ómark? Að miða umfjöllun við meintan ósmekklegan hugsanlegan misskilning?,“ spyr Jakob.

Gunnar Hrafn Jónsson, fyrrverandi blaðamaður til margra ára, skýtur á Jakob og segir hann einfaldlega þrjóskan. „Mér finnst mjög hart vegið að blaðamönnum eins og oft áður og skil að Jakob taki það nærri sér, þessi myndbirting er hins vegar algjört rugl miðað við tilefni og ef hann væri ekki svona þrjóskur myndi hann viðurkenna það,“ segir Gunnar.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -