Björn Ingi Hrafnsson, ritsjóri Viljans spáir í nýjum pistli sínum, að nú fari hneykslismálin að koma fram, þegar stutt er í kosningar.
Í pistlinum talar hann um að mörgum þyki kosningabaráttan hafa verið ansi daufa hingað til en minnir á Kenningar stjórnmálaspekingsins Niccolo Machiavellis sem gangi meðal annars út á „réttar tímasetningar þegar kemur að árásum á andstæðinginn. Sagan segir okkur að nú sé að koma að hneykslismálunum.“
Segir Björn Ingi einnig að sagan sanni að nú fari að koma að hneykslimálunum en að þau séu venjulega „löngu tilbúin og hafa verið vandlega undirbúin í röðum andstæðinganna, en beðið með þau fram á síðustu stundu svo þau valdi mestum skaða og erfitt sé að bregðast við þeim. Það má ekki gerast of snemma og ekki of seint.“ Björn Ingi nefnir nokkur dæmi máli sínu til stuðnings; „Jóhannes í Bónus keypti auglýsingar til að vara við Birni Bjarnasyni í prófkjöri Sjálfstæðisflokksins og Hafskipsmenn gulltryggðu Ólafi Ragnari forsetastólinn í kosningunum 1996 þegar þeir birtu breiðsíður um hann með margvíslegu níði á kjördag. Sú atlaga sprakk beint framan í þá.“