Fjölmiðlamaðurinn Gunnar Bender sem skrifar um veiði í Sportveiðiblaðið og á Veiðipressuna á DV gagnrýnir Krakkaskaup RÚV harðlega. Krakkaskaupið er aðeins frábrugðið sjálfu Áramótaskaupinu og gefst börnum færi á að taka þátt í Krakkaskaupinu og segja meðal annars frá því hvað þeim fannst áhugaverðast og fyndnast á árinu. Öll hugmyndavinna er í höndum krakka um allt land.
Gunnar Bender settist niður til að skemmta sér yfir krakkaskaupinu og var alls ekki skemmt.
„Hver semur þetta Krakkaskaup? Djöfull er þetta leiðinlegt?“ spurði Gunnar Bender á Facebook-síðu sinni og var afar ósáttur.
„Þetta er ekki fyrir hrukkudýr, skiptu á aðra stöð,“ mælti einn vina hans með.
„Þess vegna átt þú að skipta,“ svaraði Gunnar Bender og spurði: „Finnst þér þetta fyndið virkilega?“
„Er að horfa á annað,“ svaraði vinur hans. „Þetta er efni fyrir unga fólkið okkar. Slakaðu á!“
Fjölmargir vina Gunnars Bender skiptu yfir á Krakkaskaupið og hrósuðu því í hástert.
„Gunni þetta var mjög skemmtilegt, ég og bróðir þinn hlógum mikið!“ sagði Guðríður Anna.
„Hvaða, hvaða, alls ekki svo slæmt hjá krökkunum,“ sagði Magnús nokkur Magnússon.“
„Einmitt!“ svaraði Gunnar Bender og neitaði að gefa sig.
Þess má geta að Gunnar Bender er fæddur 3. janúar 1958. Gunnar fagnaði í gær afmæli og óskar Mannlíf Gunnari Bender til hamingju með árin 63 og vonar um leið að Krakkaskaupið að ári veiti honum ánægju og gleði.