Blaðamaðurinn Karl Th Birgisson segir frá samskiptum við Dóra DNA, og gerði sér grein fyrir því að Dóri er ekkert annað en alvöru karlmaður.
Gefum Karli Th orðið, sem hann fer svo vel með.
„Síðast þegar ég sá Dóra DNA hjá Gísla Marteini skrifaði ég eitthvað óviðurkvæmilegt og heimskulegt um hann hér.“
Bætir við.
„Frétti svo í gegnum sameiginlega vini að hann ætlaði að berja mig næst þegar við hittumst.“
Svo hittust karlmennirnir Karl Th og Dóri DNA.
„Sennilega leið ár þar til ég sá hann tilsýndar í Bíó paradís. Ákvað að fara til hans og spyrja: „Viltu lemja mig hér eða eigum við að fara út á Hverfisgötu? Það væri trúlega þægilegra fyrir sjúkrabílinn.“
Hann horfði á mig, setti upp þetta einstaka glott og faðmaði mig svo. Alvöru karlmaður.“