Vinir og fjölskyldumeðlimir eins yngsta leiðtoga fjármálaheimsins syrgja nú ótímabæran dauða hans.
Tiantian Kullander, meðstofnandi stafræna eigna fyrirtækisins Amber Group, lést 23. nóvember síðastliðinn, aðeins þrítugur að aldri. Frá þessu segir E News!.
„Það er með gríðardjúpri sorg og með þungu hjarta sem við tilkynnum ykkur um andlát vinar okkar og meðstofnanda, Tiantian Kullander en hann lést óvænt í svefni,“ sagði í tilkynningu frá fyrirtæki hans. „TT spilaði mikilvægan þátt í stofnun Amber og var mikil stoð í velgengni okkar. Hann setti hjarta sitt og sál í fyrirtækið í hverju einasta skrefi í vexti þess. Hann leiddi fyrirtækið með góðu fordæmi með greind sinni, örlæti, auðmýkt, dugnaði og sköpunargáfu.“
Árið 2019 komst Kullander ásamt þremur meðstofnandum sínum, á lista Forbes yfir þrjátíu ríkustu Asíubúana undir þrítugt þar sem Forbes benti á að viðskipta- og tæknifyrirtækið hafi átt „45 milljarða dollara viðskipti með allar vörur sínar og flokka“ á árinu á undan.
Ennfremur stóð í tilkynningu fyrirtækisins: „TT var tryggur eiginmaður, ástríkur faðir og frábær vinur. Andlát hans er harmleikur og bænir okkar og hugur er hjá fjölskyldu hans. Hann lætur eftir sig eiginkonu og ástkæran son þeirra. Við biðjum ykkur vinsamlegast um að gefa þeim rými á þessum erfiðu tímum.“