Komið er á daginn að skipulagðar árásir mannanna sem lögregla og sérsveit handtók í stórri aðgerð á þriðjudag eru sagðar hafa verið yfirvofandi á næstunni, en það er Morgunblaðið sem hefur heimildir fyrir þessu.
Í frétt Morgunblaðsins kemur fram að lögregla hafi sett vörð um Alþingishúsið án þess að mikið bæri á; og þá sé rætt um að mennirnir hafi sýnt árshátíð lögreglumanna, sem er á dagskrá í næstu viku, sérslegan áhuga.
Mennirnir fjórir – allt Íslendingar á þrítugsaldri; eru grunaðir um undirbúning hryðjuverka sem og ólöglegan innflutning og framleiðslu skotvopna.
Morgunblaðið heldur því fram að mennirnir hafi, samkvæmt heimildum blaðsins, átt sér fyrirmyndir í þjóðernisöfgum á Norðurlöndum; þar á meðal fjöldamorðingjanum Anders Behring Breivik.
Og segir að lögregla hafi til dæmis fundið ofstækisáróður í húsleit í aðgerðunum; auk þess lagði lögregla hald á tugi skotvopna; þar mátti finna meðal hálfsjálfvirkar byssur sem og ógrynni skotfæra. Kemur fram að sumar byssurnar hafi verið þrívíddarprentaðar – en að auki var lagt hald á hefðbundnar byssur.