Vinsælasti blaðamaður landsins, Helgi Seljan, skrifaði stutta en hnitmiðaða Twitter-færslu í morgun. Þar skýtur hann létt á Þorstein Má Baldvinsson, forstjóra Samherja.
Lokaþáttur Verbúðarinnar var sýndur á sunnudagskvöld en þar spilar útgerðarmaður, sem að einhverju eða öllu leyti virðist byggður á Þorsteini Má sjálfum, stóra rullu.
Helgi Seljan, sem fjallað hefur ítarlega um málefni Samherja undanfarin ár, skrifaði færslu á Twitter í morgun þar sem hann bendir á afar áhugaverða staðreynd um lokaþátt Verbúðarinnar og hlekkjar við frétt þar sem Þorsteinn Már segist ekki kannast við þann veruleika sem sýndur er í þættinum. Færsla Helga er eftirfarandi:
„Tvær langar senur í lokaþætti Verbúðarinnar, eru skrifaðar orðrétt upp úr viðtölum við þennan mann. Orðrétt.
Þorsteinn Már kannast ekki við veruleika Verbúðarinnar“
Færslan sló í gegn en hátt í 450 manns hafa líkað við hana þegar frétt þessi er rituð. Þá hefur talsverður fjöldi skrifað athugasemdir við færsluna.
Þar á meðal Edda Falak. „Merkilegt hvað menn kannast aldrei við neitt“.
Jón Halldór segir að til séu fleiri sögur af Þorsteini Má. „Það eru margar viðbótarsögurnar sem koma ílla við Máa! Stöðvafjörður.“
Dagur kemur með ágæta kenningu:
„Erlendir aðilar sem rannsaka spillingu á Íslandi leita yfirleitt/alltaf í skúmaskotum. Finna lítið sem ekkert. Hið opna er ekki skoðað. Gott dæmi er þegar sjávarútvegsráðherra hringdi í vin sinn, sem var í klemmu. Honum datt ekki í hug að fela það.“
Tvær langar senur í lokaþætti Verbúðarinnar, eru skrifaðar orðrétt upp úr viðtölum við þennan mann. Orðrétt.
Þorsteinn Már kannast ekki við veruleika Verbúðarinnar https://t.co/e0IQI3PE1y
— Helgi Seljan (@helgiseljan) February 15, 2022