2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fundinn! Bíl Margrétar stolið í nótt: „Óheppilegt þar sem ég er framlínuvörður í heilbrigðiskerfinu“

Margrét Lára Jónsdóttir starfar sem heimilislæknir við Heilsugæsluna í Garðabæ og mæðir því mikið á henni í hennar starfi, eins og öðru heilbrigðisstarfsfólki, núna þegar kórónuveirufaraldurinn gengur yfir.

Margrét varð fyrir miður skemmtilegri reynslu í nótt, en þegar hún varknaði í morgun sá hún að bifreið hennar hafði verið stolið meðan fjölskyldan svaf.

„Ég vaknaði við umgang um klukkan sex í morgun,“ segir Margrét í samtali við Mannlíf. „Ég fór fram úr, en sá að útidyrahurðin var læst. Svo um klukkan ellefu þegar ég ætlaði að fara á stjá þá var bíllinn ekki fyrir utan eldhúsgluggann.“

Margrét er þegar búin að tilkynna þjófnaðinn til lögreglunnar, og hefur jafnframt sett færslu á Facebook-síðu sína, þar sem hún biður vini um að hafa augun hjá sér og deila færslunni.

AUGLÝSING


„Bílnúmerið er PS- L03. Var fyrir utan íbúðina, Hæðargarði 108 Reykjavìk. Barnabílstóll og marglit sessa voru í aftursætinu. Endilega deilið, sìmanúmerið mitt er 822 0788 ef eitthver hefur orðið hans vart eða hringja beint í lögregluna á Höfuðborgarsvæðinu 444-1000.“

„Þjófnaðurinn er óheppilegur þar sem ég þarf sérstaklega á bílnum að halda til að komast til vinnu,“ segir Margrét, sem er eins og áður sagði ein af framlínuvörðunum í heilbrigðiskerfinu.

Uppfært kl. 20.30:
„Bílinn er fundinn, tveir vaskir lögreglumenn komu með hann núna um kvöldmatarleitið,“ segir Margrét við Mannlíf. „Þeir höfðu handtekið mann með ýmis konar þýfi á sér. Náðu svo að tengja tvo og tvo saman, leituðu að bílnum og fundu hann út á Granda.“

Lestu meira

Annað áhugavert efni

Nýjast á Mannlíf.is

Nýjast á Gestgjafanum