Þriðjudagur 29. nóvember, 2022
2.1 C
Reykjavik

Ef þú hatar einhvern af þessu fólki, þá hatarðu sjálfan þig segir Bergþór

Helgarviðtalið

- Auglýsing -

Orðrómur

- Auglýsing -

Bergþór Pálsson óperusöngvari veltir fyrir sér á Facebook hvað valdi því að sumir fyllast ofsafengni reið þegar ákveði fólk er í fréttunum.

„Það kemur fyrir hjá fréttamiðlum á facebook að við verðum vitni að ofsafenginni reiði í athugasemdum. Sumt fólk virðist beinlínis hlakka yfir því að geta ausið fúkyrðaflaumi yfir fólk í framlínunni, hvað lítið sem ber á góma og oft án nokkurs skilnings eða ígrundunar á efninu,“ segir Bergþór og birtir myndina hér fyrir ofan en þar má sjá sumt hataðasta fólk landsins, en einnig Gísla Martein.

Bergþór reynir svo að sálgreina þetta fólk. „Stundum er ljóst að fyrirsögn er tilefni upphrópana, en greinilegt að efni greinarinnar hefur ekki verið lesið. Í gegn skín hatur úr innstu kimum sálarlífsins, í engu samræmi við efnið. Oft hef ég velt því fyrir mér hvernig svona múgsefjun verður til. Christian Mogensen, sálfræðingur, ræddi um hatursfulla nethegðun í gær á rúv. Hann taldi rótina vera einhvers konar tjáningu á eigin óhamingju eða vanrækslu, þannig að í staðinn fyrir að íhuga hvort eitthvað sé að hjá manni sjálfum og hvernig maður geti unnið með sjálfan sig, sé netið notað til að fara í stríð með gífuryrðum. Ástæðan sé sú að það er sálrænt auðveldara að líta svo á að eitthvað sé bogið við alla aðra, heldur en sjálfan sig.“

Óháð þessu þá hvetur hann fólk til að hugsa sinn gang. „Það er hollt að líta í eigin barm af og til og athuga hvort eitthvað standi í veginum fyrir því að maður sé hamingjusamur. A.m.k. er leiðin til hamingju ekki að eyða lífinu í að leita aðeins að göllum annars fólks, rjúka upp til handa og fóta hvar sem það birtist í fjölmiðlum og æpa í kórnum.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -