2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Stal 1,3 milljónum króna af skjólstæðingum velferðarsviðs Ísafjarðarbæjar

„Það er ákveðinn léttir að málinu sé lokið, en þetta er fyrst og síðast sorglegt,” sagði Guðmundur Gunnarsson, bæjarstjóri Ísafjarðarbæjar, í viðtali við Fréttablaðið í dag. Fyrrverandi starfsmaður velferðarsviðs Ísafjarðarbæjar var dæmdur fyrir fjárdrátt og peningaþvott í opinberu starfi.

 

Brotin áttu sér stað milli 2015-2018. „Þetta er mannlegur harmleikur á alla kanta,“ bætti Guðmundur við. Fyrrverandi starfsmaðurinn, kona á fimmtugsaldri, var dæmd í fimm mánaða skilorðsbundið fangelsi. Hún stal 1,3 milljónum króna af ellefu skjólstæðingum velferðarsviðs. Það tók hana 211 millifærslur eða úttektir á debetkorti til að ná upphæðinni. Hæsta einstaka upphæðin var 80 þúsund krónur. Þá notaði hún peningana til að greiða eigin reikninga.

„Við erum ánægð með viðbrögðin hér innanhúss,” var haft eftir Guðmundi. „Svo líka að það hafi tekist fljótt að gera upp við skjólstæðingana þó svo að dómsmálið hafi tekið sinn eðlilega tíma.“ Ísafjarðarbær greiddi skjólstæðingunum til baka en konunni var gert að greiða bænum 1,5 milljónir í skaðabætur með vöxtum og málsvarnarlaunum.

Konan sagði málið hafa haft alvarlega persónulegar afleiðingar fyrir sig og hún sæi eftir brotunum.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum