Laugardagur 26. nóvember, 2022
3.1 C
Reykjavik

Erna Ýr efast um ekkert í Rússlandi: „Þeir sem reyna að „svindla“ verða sóttir til saka“

Helgarviðtalið

- Auglýsing -

Orðrómur

- Auglýsing -

Erna Ýr Öldudóttir, sem er hvað þekktust fyrir vafasamar skoðanir sínar, er mætt til Moskvu. Þar fylgdist hún í gær með kosningum sem fáir utan Rússlands taka mark á. Hún sá ekkert athugavert við framkvæmd þeirra, enda allt svindl bannað samkvæmt embættismönnum sem hún ræddi við.

Umræddar kosningar eru á vegum stjórnvalda í Rússlandi og leppstjórnar hernumda svæða í Úkraínu. Kosið er um hvort téð svæði verði innlimuð í Rússland. Óhætt er að segja að fáir nema bandamenn Rússland taki mark á þessum kosningum eða telji þær lögmætar.

Erna Ýr er löngu orðin þekkt meðal landsmanna fyrir efahyggju, svo sem hvað varðar hlýnun jarðar eða gagn bólusetningar gegn COVID. En sú efahyggja virðist hafa gufað upp í Rússlandi. Hún skrifar frétt framkvæmd kosninganna sem birtist á Fréttinni.is, en ritstjórinn Margrét Friðriksdóttir var fjarri góðu gamni þar sem henni var meinað að ferðast með Icelandair fyrir helgi.

Erna Ýr lýsir framkvæmd kosninganna svo: „Kjörstjórnir eru eingöngu mannaðar fólki frá svæðunum sem nú ganga til atkvæðagreiðslunnar, samkvæmt upplýsingum sem blaðamaður fékk á staðnum. Til að fá kjörseðil, þarf að sýna skilríki, vegabréf útgefið á umræddum svæðum og fylla út umsóknareyðublað. Blaðamaður fylgdist með í framkvæmd þegar kjósendur komu til að greiða atkvæði. Þeir sem myndu reyna að kjósa oftar en einu sinni eða reyna með öðrum hætti að „svindla“ verða sóttir til saka af stjórnvöldum, skv. kjörstjórn.“

Samkvæmt henni virðist einungis eitt varpa skugga á þessar kosningar, þvermóðska Úkraínumanna. „Ónefndur heimildamaður greindi frá því að faðir hennar sé íbúi í Donetsk, sem sé undir stöðugum sprengjuárásum frá úkraínska hernum. Til viðbótar gerði úkraínski herinn sprengjuárás á hótel í Kherson í gær, þar sem tveir almennir borgarar létu lífið. Færa þurfti einn kjörstað vegna árásanna og annarsstaðar var rætt um að kjósa í loftvarnabyrgi. Talið er að árásirnar nú séu til að hræða fólk frá því að mæta á kjörstað,“ segir Erna Ýr og bætir við:

„Til viðbótar hafa stjórnvöld í Kænugarði hótað þeim allt að fimm og jafnvel tíu ára fangelsisvist sem taka þátt í atkvæðagreiðslunni.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -