Gísli Marteinn Baldursson mærir Þórdísi Kolbrúnu Reykfjörð Gylfadóttir í nýrri færslu á Twitter, nei afsakið, Exinu.
Gísli Marteinn, sem eitt sinn var vonarstjarna Sjálfstæðisflokksins en hætti alfarið í stjórnmálum árið 2013 til að halda áfram með frama sinn í fjölmiðlum, hefur síðustu ár verið harðlega gagnrýndur af meðlimum Sjálfstæðisflokksins þar sem hann hefur meðal annars verið uppnefndur „pjakkur“. Í raun má færa rök fyrir því að Gísli Marteinn sé vinsælli hjá vinstri mönnum en þeim hægri.
Þrátt fyrir þetta virðist Gísli Marteinn vera hrifinn af Þórdísi Kolbrúnu, utanríkisráðherra en hann segir hana skipta „miklu máli í íslenskri pólitík.“ Færsluna má lesa hér að neðan.
„Mér finnst @thordiskolbrun skipta miklu máli í íslenskri pólitík. Leiðtogi hægrafólks sem vill frjálslynt samfélag, trúir á loftslagsbreytingar af mannavöldum og mér virðist hún ekki hrifin af íhaldsstefnu öfgahægriflokka ólíkt ansi mörgum á hægri vængnum.“