Haldrandi fastakúnninn viðurkennir að hún sé haldin stelsýki.
Katla Hreiðarsdóttir, eigandi verslunarinnar Systur og makar, segir frá því í story á Instagram-reikningi verslunarinnar, að haltrandi fastakúnninn sem hún sagði frá í gær, hafi haft samband við sig og viðurkennt að hún væri stelsjúk.
Sjá einnig: Haltrandi fastakúnni gripinn með þýfi innanklæða: „Hún labbar um alla búðina og treður inn á sig“
„Þetta er nú búinn að vera meiri dagurinn,“ sagði Katla í story í dag. Og hélt áfram. „Ég fékk símtal frá þessari, sem að ég ræddi um mikið hér í gær. Ég er búin að fá gríðarlegt magn skilaboða sent en hún hafði samband við mig gjörsamlega miður sín. Og sagði að þetta væri allt saman stelsýki og hún réði ekkert við þetta. Og vildi greiða fyrir þetta einhvern veginn. Það er eitthvað verið að reyna að finna út úr þessu. Batnandi mönnum er best að lifa en ég get því miður ekki tekið á móti henni í versluninni aftur því þetta var ekki í eina skiptið og fórum við yfir þetta allt saman. En auðvitað er þetta leitt og það er auðvitað hrikalegt þegar þetta er orðið að einhverri fíkn. En það verður þó að vera í höndum viðkomandi að leita sér aðstoðar við þessu. Við vorum sammála um að hún panti bara á netinu ef hún treystir sér ekki í verslanir.“
Instagram Systra og maka má skoða hér