Á meðal þeirra hælisleitenda sem íslensk stjórnvöld ætla að endursenda til Grikklands eru tvö börn ásamt fjölskyldu. Rauði krossinn hér ándi kallar eftir því að mannréttindi barnanna séu virt og hætt verði við að senda fólkið til Grikklands, eins og kemur fram í grein á vefmiðlinum ruv.is.
Kemur fram að íslensk stjórnvöld æyli sér að senda nálægt 40 hælisleitendur til Grikklands á næstu vikum, segir Áslaugar Björnsdóttur lögfræðingur hjá Rauða krossi Íslands; sem ásamt öðrum samtökum gagnrýnir þessa ákvörðun; kallar eftir að hún verði tekin til baka:
„Það er komin verkbeiðni frá Útlendingastofnun til ríkislögreglustjóra og meðal þessara fjörutíu einstaklinga eru tvö börn.“
Áslaug leggur áherslu á hvernig komið sé fyrir flóttabörnum þar; stór hluti þeirra barna sem hingað koma eftir að hafa dvalið í Grikklandi glími við ýmiskonar heilsufarsvandamál sem megi til dæmis rekja til óviðunandi aðstæðna þar í landi:
„Þau hafa ekki sama aðgengi og grísk börn að menntun, þau eru aðskilin frá grískum börnum í skólanum. Svo er líka mjög erfitt fyrir flóttafólk og fjölskyldur að fá húsnæði og atvinnu. Bæði vegna kynþáttafordóma og lítils framboðs fyrir þau. Þau fá svo enga framfærslu frá yfirvöldum, þau geta ómögulega framfleytt sér.“
Rauði krossinn á Íslandi hefur margoft kallað eftir að stjórnvöld hér á landi hætti að endursenda fólk til Grikklands:
„Bara að íslensk stjórnvöld fylgi þeim alþjóðasamningum sem þau eru bundin af og íslenskum lögum um að hafa það sem barni er fyrir bestu í forgangi alltaf og að hagsmunir þess séu hafði að leiðarljósi þegar teknar eru ákvarðanir um málefni þess,“ sagði Áslaug.