Konráð Hrafnkelsson, 27 ára Íslendingur búsettur í Brussel í Belgíu hefur verið týndur síðan á fimmtudag. Kristjana Diljá Þórarinsdóttir, kærasta Konráðs, lýsir eftir honum í færslu á Facebook:
„Hefur einhver séð Konráð.
Konráð Hrafnkelsson yfirgaf heimili sitt í Brussel klukkan 8.10 fimmtudagsmorguninn, 30. júlí 2020. Hann sást síðast yfirgefa McDonalds í Bourse (miðbæ) klukkan 9.00 á fimmtudag. Hann var klæddur í bláar gallabuxur, gráan stuttermabol og hvíta Nike skó. Hann var einnig með bakpoka og derhúfu (bæði í dökkum lit) og með svört Marshall heyrnartól.
Konráð er 178 sm á hæð, með blá augu og ljóst hár.
Hann fór með hjólið sitt, sem er blátt götuhjól með brúnum dekkjum.
Ef einhver hefur séð hann, hjólið hans eða hefur einhverjar upplýsingar um hvarf hans, þá eru þeir vinsamlega beðnir um að hafa samband við mig í gegnum skilaboð eða netfangið: [email protected].
Allar upplýsingar, hversu smávægilegar sem þær eru, eru vel þegnar.”