Í nýju fjárlagafrumvarpi sem kynnt var í dag kemur meðal annars fram að listamannalaun munu á næsta ári hækka um 75 milljónir króna.
Þar má lesa að heildarútgjöld til menningarsjóða verða á næsta ári meira en 4,6 milljarðar króna; lækka um 543 milljónir.
En þó er það svo að helstu breytingar á fjárheimildum málaflokksins eru aukin fjárheimild vegna listamannalauna; og líka 150 milljónir króna sem verða notaðar til að setja á stofn Tónlistarmiðstöð Íslands.
Þá á einnig að setja um það bil 200 milljónir króna í verkefni sem snýst um vinnslu nýrrar aðgerðaáætlunar um máltækni – með það í huga að íslensk tunga verði gjaldgeng í stafrænum heimi.
Hvað varðar heildarfjárútlát málaflokksins, þá lækkar þau töluvert; samkvæmt fjárlagafrumvarpinu má rekja það til verkefna sem voru tengd Covid 19 sem og skriðunum sem féllu á Seyðisfjörð.
En það er deginum ljósara að listamannalaun munu hækka; starfslaun listamanna eru 490.920 kr. á mánuði samkvæmt fjárlögum 2022 og um verktakagreiðslur er að ræða; en listamannalaun voru 409.580 krónur á mánuði á síðasta ári.