Björn Birgisson, samfélagsrýnir og Grindvíkingur, segir í pistli sem hann birtir á Facebook að það hafi verið lögreglan á Akureyri sem upplýsti þjóðina um tilvist kynlífsmyndbanda á síma Páls Steingrímssonar, skipstjóra hjá Samherja. Hann segir að þessi myndbönd höfðu aldrei komið til tals annars. Hér fyrir neðan má lesa pistil Björn um málið.
Lögreglan á Akureyri slær slúðurmiðlum við!
Sími var tekinn í leyfisleysi og honum komið í hendur blaðamanna.
Hart er deilt um aðdraganda þess.
Símanum var skilað.
Blaðamenn fundu í símanum ýmis gögn um samskipti fólksins sem sagt var vera í skæruliðadeild Samherja.
Þau gögn hafa verið birt og fréttir skrifaðar upp úr þeim og langflestir eru sammála um að það efni hafi átt fullt erindi til almennings.
Mér vitanlega hefur enginn blaðamaður birt neitt annað úr þessum síma eða sagt frá öðru efni sem hann geymdi.
Nokkur tími leið frá því að fréttaflóðið um skæruliðadeildina féll þar til lögreglan á Akureyri upplýsti að símastuldurinn hefði verið kærður þar sem í honum væri að finna myndbandsupptökur af kynlífsathöfnum eiganda símans með konu sem ekki var nafngreind, en allir vissu hver átti símann.
Upplýsingarnar um myndböndin bárust í gegn um lögregluna á Akureyri, í tengslum við rannsókn málsins, en á tilvist þeirra hafði enginn blaðamaður minnst einu orði mér vitanlega!
Samt voru þeir yfirheyrðir í bak og fyrir vegna þessara kynlífsathafna eiganda símans, athafna sem þeir hafa aldrei minnst á opinberlega.
Ef fréttir af þessum upptökum hefðu ekki borist frá lögreglunni á Akureyri er nokkuð öruggt að þjóðin hefði ekki hugmynd um tilvist þeirra!
Flestir alvöru blaðamenn geta gert greinarmun á gögnum sem eiga erindi til almennings og viðkvæmum persónulegum gögnum sem ekkert erindi eiga í dreifingu og í þessu máli virðist þeirri reglu hafa verið fylgt samviskusamlega.
Lögreglan á Akureyri upplýsti þjóðina um tilvist þessara myndbanda – ekki blaðamenn.
Þarf þá ekki að rannsaka vinnubrögð hinnar norðlensku lögreglu, sem slær öllum slúðurmiðlum við, og er fyrst með þessar krassandi fréttir?
Á undan vefsíðum Moggans, DV og öllum hinum miðlunum sem elska að slúðra um kynlíf, sérstaklega kynlíf sem ekki telst vera hefðbundnar ástir á milli samlyndra