2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Mannbjörg við Voga á Vatnsleysuströnd í nótt

Björgunarsveitir á Suðurnesjum björguðu sjómanni á litlum fiskibát í nótt rétt norðan við Voga á Vatnsleysuströnd, eftir að báturinn varð vélarvana og rak hratt að landi.

Björgunarsveitir af Suðurnesjum ásamt togaranum Sóley Sigurjóns GK náðu að koma taug yfir í bátinn og draga hann frá við vægast sagt ömurlegar aðstæður.

Í færslu á Facebook-síðu Björgunarsveitarinnar Þorbjarnar í Grindavík segir að björgunarsveitarmaður hafi farið um borð í bátinn þar sem sjómaðurinn á fiskibátnum var orðinn örmagna vegna sjólags og vinnu við að draga taugar á milli báta.

Farið var með bátinn til Hafnarfjarðar.

AUGLÝSING


Myndbandið hér fyrir neðan er tekið um borð í björgunarbátnum Hjalta Frey frá Grindavík og nær vonandi að gefa fólki smá innsýn í aðstæður næturinnar.

Lestu meira

Annað áhugavert efni

Nýjast á Mannlíf.is

Nýjast á Gestgjafanum