Lögregla var kölluð út í miðbæ Reykjavíkur í gærkvöldi vegna líkamsárásar. Sá grunaði var handtekinn og vistaður í fangaklefa lögreglu en þolandinn er mögulega nefbrotinn. Skömmu síðar var einstaklingur stöðvaður á stolnum bíl, sá gisti einnig í fangaklefa.
Í miðbænum var tilkynnt um slys eftir að maður féll í jörðina og missti meðvitund í stutta stund. Sjúkrabíll kom á vettvang sem flutti svo manninn á bráðamóttöku til aðhlynningar. Seinna um kvöldið átti annað slys sér stað í miðbænum þar sem einstaklingur datt af rafskútu. Sá var einnig fluttur á bráðadeild. Í Laugardanum var ökumaður stöðvaður vegna gruns um akstur undir áhrifum áfengis. Þá var maður handtekinn í Kópavogi í kjölfar líkamsárásar. Aðeins hann er grunaður í málinu.