Íslenska knattspyrnugoðsögnin Eiður Smári Guðjohnsen var ræddur í einu vinsælasta knattspyrnuhlaðvarpi heimsins.
Þar var Jimmy Floyd Hasselbaink, knattspyrnuþjálfari og fyrrum samherji Eiðs hjá Chelsea, í viðtali og ræddi hann um ýmsa leikmenn sem hann spilaði með hjá Chelsea eins og John Terry, Dennis Wise og Frank Lampard. Þá fór nokkrar mínútur í að ræða Eið okkar Smára Guðjohnsen. Þeir Eiður mynduðu frábært sóknarteymi hjá Chelsea og voru varnarmenn andstæðinga dauðhræddir í hvert skipti sem þeir spiluðu sín á milli. Jimmy vill meina að Eiður Smári sé vanmetnasti leikmaður í sögu Chelsea.
„Hann er með svo góðan skilning á leiknum og veit hvað þarf að gera og hvar hann á að vera,“ sagði Jimmy um Eið. „Eitt tímabil þá skoruðum við 55 mörk, held ég, saman. Ég held að við höfum gefið stoðsendingu á hvorn annan 35 sinnum. Við vissum hvar hvar hinn yrði. Ég vissi það án þess að horfa.“
Hægt er að horfa á viðtalið um Eið hér fyrir neðan