- Auglýsing -
Björn Birgisson segir ríkisstjórn Katrínar Jakobsdóttur vera málefnalega gjaldþrota.
Samfélagsrýnirinn frakki, Björn Birgisson segir í nýrri færslu á Facebook að allt sem Drífa Snædal hafi spáð um ríkisstjórn Katrínar Jakobsdóttur, sé búið að rætast. „Vinstri græn og Sjálfstæðisflokkurinn geta ekki unnið saman,“ segir hann og segir ríkisstjórnina „algjörlega málefnalega gjaldþrota.“ Bætir hann við að lokum að ríkisstjórnin sé „orðin að líki í lest lýðræðisins.“
Færsluna má lesa í heild hér að neðan:
„Nú er eiginlega allt sem Drífa Snædal sá fyrir komið fram.
Vinstri græn og Sjálfstæðisflokkurinn geta ekki unnið saman.
Hvorugur flokkurinn vill lengur „éta skítinn“ frá hinum.
Ef ríkisstjórnin springur ekki formlega á næstunni verður ljóst að hún hangir bara saman stólanna vegna.
Hún er algjörlega málefnalega gjaldþrota.
Úrlausnarefnin og deiluefnin hlaðast upp – en hvergi er tekið hressilega á málum.
Ríkisstjórn Katrínar Jakobsdóttur er orðin að líki í lest lýðræðisins.“