Sunnudagur 4. desember, 2022
-1.2 C
Reykjavik

Tvær konur voru kærðar fyrir líkamsárás í nótt – Afbrotamaður neitaði að yfirgefa lögreglustöð

Helgarviðtalið

- Auglýsing -

Orðrómur

- Auglýsing -

Nóg var um að vera hjá lögreglunni í nótt. Nokkrir voru stöðvaðir og reyndust sviptir ökuréttindum. Einnig var töluvert um ölvunarakstur og akstur undir áhrifum fíkniefna.

Þegar lögreglan stöðvaði bifreið í Hafnarfirði, reyndist ökumaðurinn vera eftirlýstur í tengslum við annað mál, hann var vistaður í fangageymslu.

Tilkynnt var um líkamsárás á veitingahúsi í Hafnarfirði. Maður fékk glas í andlitið og var kona handtekin, grunuð um árásina.

Í Breiðholti var bifreið stöðvuð og ökumaður grunaður um akstur undir áhrifum áfengis og fíkniefna. Að sýnatöku lokinni neitaði maðurinn að yfirgefa lögreglustöðina, þrátt fyrir að lögreglumenn reyndu ítrekað að aðstoða hann. Hann var handtekinn fyrir að hlýða ekki fyrirmælum lögreglu og vistaður í fangageymslu.

Í Grafarvogi var kona handtekin fyrir að ráðast á dyravörð, einnig var hún kærð fyrir hótanir og að fara ekki eftir fyrirmælum lögreglu.

Tilkynnt var um umferðaslys í Hafnarfirði þegar maður datt af rafmagnshlaupahjóli. Hann var vankaður eftir slysið en slasaðist þó ekki illa. Maðurinn er grunaður um akstur undir áhrifum áfengis.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -