Forseti Íslands, Guðni Th. Jóhannesson, og Eliza Reid forsetafrú, munu ferðast til London í byrjun næsta mánaðar til að vera viðstödd krýningarathöfn Karls III Bretlandskonungs.
Engum ráðherrum var boðið á krýninguna; kemur fram í skriflegu svari skrifstofu Forseta Íslands við fyrirspurn fréttastofu Vísis.
Kemur fram að krýningarathöfnin fer fram þann 6. maí næstkomandi og þar verða þjóðhöfðingjar heimsins viðstaddir.
Boðið var eingöngu sent á þjóðhöfðingja og verða því engir ráðherrar ríkisstjórnarinnar viðstaddir.
Einnig er sagt frá að ekki sé fyrirhuguð þátttaka forsetahjónanna í opinberum viðburðum ytra – öðrum en krýningarathöfninni í Westminster Abbey og móttöku í tengslum við hana í Buckinghamhöll; engir starfsmenn forsetaembættisins munu fylgja þeim út til Englands, en skrifstofa forseta á hisn vegar og eðlilega í góðu samstarfi við sendiráð Íslands í London, sem aðstoðar forsetahjónin eftir þörfum.
Sagt var frá því í dönskum fjölmiðlum í dag að Margrét Þórhildur Danadrottning yrði ekki viðstödd athöfnina; hún er að jafna sig eftir aðgerð á baki sem hún undirgekkst nýverið.