Knattspyrnumaðurinn Jón Guðni Fjóluson, sem leikur með sænska félaginu Hammarby, gæti verið í miklum vandræðum.
Myndbrot af honum er á fleygiferð um samfélagsmiðla þar sem Jón Guðni hreytir einhverju í þeldökkan andstæðing sinn í knattspyrnuleik í Svíþjóð.
Flo Tov Egz, áhangandi Hammarby, spyr einfaldlega: Sagði hann „Fittneger?“ sem á okkar ástkæra ylhýra myndi líklega vera þýtt sem „Negrakunta.“
Mannlíf leggur engan dóm á hvað Jón Guðni sagði og fjölmargir velta því fyrir sér hvað það er sem íslenski landsliðsmaðurinn lét út úr sér í hita leiksins.
Jón Guðni er 31 árs gamall varnarmaður og uppalinn Frammari og hefur leikið 17 landsleiki fyrir Íslands hönd. Jón Guðni hefur átt farsælan feril og er án efa meðal bestu varnarmanna Íslendinga í dag. Hann hefur lengi verið atvinnumaður og hefur til að mynda leikið með Brann í Noregi, Krasnodar í Rússlandi, og með sænsku félögunum Sundsvall og IFK Norrköping.
Hér má sjá myndbrotið umrædda, og dæmi nú hver fyrir sig:
— AIKnator (@AIKnator) August 15, 2021