Ljúffengur og einfaldur réttur og þægilegur í matreiðslu.
Kjúklingaleggir með portúgalskri kryddblöndu
fyrir 4
1 msk. reykt paprika
1 tsk. cayenne-pipar
1 tsk. kummin
1 ½ msk. óreganó
60 ml ólífuolía
2 msk. rauðvínsedik
1 msk. púðursykur
1 ½ tsk. sjávarsalt
½ tsk. svartur pipar
3 hvítlauksgeirar, maukaðir
700 g kjúklingaleggir
2 miðlungssneiðar hvítt brauð, skorpan tekin af og
rifið niður í bita
80 ml vatn
sítrónusneiðar til að bera fram
Hitið ofn í 250°C. Blandið saman reyktri papriku, cayenne-pipar, kummin og óreganó í stóra skál. Bætið saman við ólífuolíu, 1 msk. af rauðvínsediki, púðursykri, salti, pipar og blandið saman. Takið 2 msk. af kryddleginum og setjið í litla skál til hliðar. Bætið hvítlauk og kjúklingaleggjum saman við kryddlöginn í stóru skálinni og nuddið vel saman við kjúklinginn með höndunum, passið að þvo hendur vel á eftir. Setjið kjúklinginn á bökunarplötu með bökunarpappír og bakið í ofni í 15-18 mín. eða þar til kjúklingurinn er eldaður í gegn.
Á meðan kjúklingurinn er að eldast gerið sósu með því að setja brauð, vatn, kryddlöginn sem settur var til hliðar og 1 msk. af rauðvínsediki í matvinnsluvél og maukið saman þar til allt hefur samlagast vel. Berið kjúklingaleggina fram með sósunni og sneiðum af sítrónu til að kreista yfir þá.
Mynd / Unnur Magna