Kona nokkur missti stjórn á sér í grennd við og inni í sjúkrabifreið við Bráðamóttökuna. Hún var handtekin fyrir dólgshátt og læst inni í fangaklefa. Í miðbænum varð maður ósjálfbjarga á förnum vegi. Lögreglan kom honum til hjálpar og ók honum heim.
Farþegi í leigubifreið missti bæði mál og mátt. Hann gat ekki sagt bílstjóranum hvert skyldi aka. Þá fann hann enga leið til að greiða fargjaldið. Lögregla var kölluð til og hann var handtekinn og læstur inni í fangaklefa þar til rofar til í höfði hans.
Gesti á hóteli í miðborginni var vísað út af hóteli vegna þess að hann var til vandræða, Maðurinn óvelkominn aftur á hótelið og þarf að finna sér nýjan samastað
Einstaklingur óverdósaði af fíkniefnum og varð rænulítill. Maðurinn var fluttur á bráðamóttöku með sjúkrabifreið
Lögreglan stóð svo í ströngu í nótt við að klippa af bifreiðum sem voru óskoðaðar og þar með ekki tryggðar. Alls voru klippt númer af 17 bifrteiðum.