2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Komu íslenskum öfgamálmi á kortið

Svartidauði sendir frá sér nýja plötu. Svartidauði er ein stærsta þungarokkssveit landsins og plata hennar, Flesh Cathedral, er álitin költ-klassík í heimi þungarokksins.

Á dögunum kom út önnur plata þungarokkssveitarinnar Svartadauða, Revelations of the Red Sword, en hennar hafði verið beðið með mikilli eftirvæntingu eftir velgengni fyrstu plötu hennar, Flesh Cathedral, sem kom íslenskum öfgamálmi á kortið og hefur rutt brautina fyrir íslenskar svartmálmssveitar.

Viðtökur við Revelations of the Red Sword eru þegar góðar og þykir hún ekki gefa forvera sínum neitt eftir. Svartidauði stefnir á Evróputúr í maí auk frekara tónleikahalds á erlendri grund, en fyrst ætlar sveitin að fagna útgáfu plötunnar með tónleikum á heimavelli, þ.e. á Húrra þann 22. mars næstkomandi. Þar munu Nornahetta og Almyrkvi koma fram auk Svartadauða, en Almyrkvi verður Svartadauða einnig til halds og trausts í komandi Evróputúr.

Húrra opnar klukkan 20:00 og hefjast tónleikarnir stundvíslega klukkan 21.00. Aðgangseyrir er 2.000 krónur.

Ekki missa af þessum

Annað áhugavert efni

Nýjast á Mannlíf.is