Lárus Ingi Friðfinnson, eiginmaður Aldísar Hafsteinssdóttur, bæjarstjóra Hveragerðis, má telja sig stálheppinn að sleppa lifandi úr snjósleðaslysi á dögunum. Aldís birti á síðu sinni á Facebook sem sýnir hann naumlega ná undan veltandi sleðanum.
Myndbandið af atvikinu má finna hér fyrir neðan og má á því sjá hversu svakalegt slysið var og hversu ótrúlega litlu munaði að Lárus hafi ekki fengið sleðan yfir sig þegar hann valt margsinnis fyrir ofan hann.
Aldís er að minnsta kosti feginn að Lárus hafi sloppið undan veltandi snjósleðanum. „Lárus segir að þetta myndband sýni vel hvað ég á hugrakkan og ofurhraustan eiginmann! ! ! Veit ekki alveg hvað mér á að finnast en ég held nú samt að þarna hafi hann naumlega sloppið með skrekkinn. Heppinn í þetta sinn – glannast kannsi aðeins minna næst,“ segir Aldís bæjarstjóri og bætir við:
„Um mitt myndaband veltur minn maður niður brekkuna – all svakalegt!“
Fjölmargir lýsa því yfir hversu fengir þeir eru að Lárus hafi sloppið með skrekkinn og ekki lent hreinlega undir sleðanum. Katrín er ein þeirra. „Hann hefur greinilega náð aðeins að spyrna sér frá sleðanum áður en þeir lögðu af stað og sloppið með skrekkinn, sem betur fer. Hann er auðvitað með viðeigandi brynjur og þ.h. þegar farið er í svona ferðir – ekki satt?,“ spyr Katrín.
Aldís svarar Katrínu því til að hún muni tryggja framvegis að eiginmaðurinn verði ávallt með brynjur og búnað til varnar. Anna Rós er líka afar brugðið við að sjá myndbandið. „Jesús minn góður. Þetta er svakalegt að sjá!!,“ segir Anna.