- Auglýsing -
Nú á dögunum var töluvert tjón unnið á gestastofu á Þingvöllum. Rúða var mölbrotin og er tjónið talið vera um ein milljón króna, að því er fram kemur í Morgunblaðinu í dag.
Leit út fyrir að um innbrot væri að ræða en þó var engu stolið. Senn kom í ljós að innbrotsþjófurinn var reiður hrútur.
Þegar þjóðgarðsverðir reyndu að reka hann burt, gerði hann sig líklegan til að ráðast á þá. Hrúturinn hætti þó við þá árás þegar hann sá spegilmynd sína í rúðu gestastofunnar og réðst í staðinn á sjálfan sig með fyrrgreindum afleiðingum.