- Auglýsing -
Móðir Opruh Winfrey lést á fimmtudaginn. Hún varð 83 ára gömul.
Sjónvarpskonan Oprah Winfrey birti í gær færslu á Instagram þar sem hún minntist móður sinnar, Vernitu Lee, sem lést á fimmtudaginn. Oprah birti mynd af stórfjölskyldunni þar sem móðir hennar situr fremst. Hún þakkaði í leiðinni fylgjendum sínum fyrir hlý orð og samúðarkveðjur.
Vernita Lee var 83 ára þegar hún lést. Hún lést á heimili sínu í Milwaukee, Wisconsin, er fram kemur í tilkynningu sem fjölskylda hennar sendi frá sér.
Þess má geta að Vernita var ung þegar hún eignaðist Opruh og amma og afi Opruh sáu um uppeldi hennar fyrstu árin. Vernita eignaðist fjögur börn á lífsleiðinni.