Mánudagur 26. september, 2022
6.8 C
Reykjavik

Nakinn 75 ára maður neitaði að virða 2 metra regluna – Bjarna brugðið: „Hann bara nálgast“

Helgarviðtalið

- Auglýsing -

Orðrómur

- Auglýsing -

Bjarni Jónsson, einn stofnenda Siðmenntar, var brugðið í sundi á dögunum. Þar lenti í hann í öldruðum Íslendingi sem hafði sóttvarnarreglur í flimtingum. Þegar honum var bent á það þá brást sá gamli illa við því og varð uppstökkur.

Bjarni lýsir atvikinu á Facebook-síðu sinni. „Ég fór í sund í morgun, sem ekki er í frásögur færandi, nema hvað nú bar nokkuð nýtt við! Eftir sundið, heita unaðsgóða nuddpottinn og gufubaðið var haldið í rakstur og sturtu, þurrk og klæða sig í fötin og halda til vinnu,“ segir Bjarni.

„Nema hvað. Þegar ég er að klæða mig, þar sem aðeins einn til viðbótar var í klefanum þá sé ég gamlan mann um 75 ára skjögra inn sem færði sig hægt en ákveðið í áttina til mín. Hann kom inn í röðina sem ég var að bauka við að klæða mig og hann bara nálgast!!“

Þarna var Bjarna hætt að lítast á blikuna. „Hann stoppar við skápinn þar sem aðeins einn annar skápur er á milli u þ b 75 cm á milli! “Viltu ekki gefa aðeins meira rúm á milli okkar til að uppfylla tveggja metra regluna?” spurði ég, með vonarneista í augum og röddu,“ lýsir Bjarni og segir að lokum:

„Þá kom það: “Haltu kjafti” – úpps “Takk fyrir kurteisina” sagði ég og kláraði að klæða mig. Eitthvað var kallinn tæpur, föstudagsmorgunn og ekki útlit fyrir að allt bóluefnið skilaði sér eins og þríeykið lofaði. Ekki nema von að hann væri fúll út í mig!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -