• Orðrómur

Ný hópsmit blossa upp víða um Bandaríkin

Efnisorð

Deila

- Auglýsing -

Ný kórónuveiruhópsmit hafa blossað upp víða um Bandaríkin síðan lífið fór smátt og smátt að færast í fyrra horf og barir, klúbbar, kirkjur og fyrirtæki opnuðu á nýjan leik. New York Times fjallar um málið, þar segir að ný hópsmit hafa komið upp í bæði stórum borgum og litlum bæjum víða um Bandaríkin og að þróunin gefi skýra mynd af því hversu hratt kórónaveiran dreifir sér.

Hópsmit í Bandaríkjunum komu áður aðallega upp á elliheimilum, í fangelsum og í matvælaverksmiðjum en núna þegar verið er að reyna að koma hjólum atvinnulífsins af stað aftur eru nýjar tegundir hópsmita að blossa upp.

Fjölmennt á stuðningsmannafundi Donald Trump í Tulsa, Oklahoma um helgina og fáir með grímur. Mynd / EPA

Kirkja í Oregonstrippstaður í Wisconsin og bar í Louisiana eru meðal þeirra staða þar sem hópsmit hafa komið upp.

- Auglýsing -

Þá kom upp hópsmit í kristilegum sumarbúðum skammt frá borginni Colorado Springs þegar ellefu starfsmenn smituðust af COVID-19.

Einnig hafa komið upp hópsmit hjá starfsmönnum spilasala, veitingastaða og hótela í Las Vegas en spilavítin í Las Vegas voru opnuð aftur 4. júní.

Eigendur veitingastaða, bara og skemmtistaða hafa fengið að opna aftur. Mynd / EPA

„Við þessu mátti búast þegar við afléttum höftum og lokunum,“ er haft eftir Rebeccu Christofferson smitsjúkdómasérfræðingur við Louisiana State University í umfjöllun New York Times.

- Auglýsing -

Nú hafa rúmlega tvær milljónir manna í Bandaríkjunum greinst með COVID-19, 2.312.302 nánar tiltekið, og staðfest dauðsföll af völdum sjúkdómsins þar í landi eru orðin 120.402  samkvæmt tölum af vef Johns Hopkins háskólans.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -