Ómar Ragnarsson, fyrrum fjölmiðlamaður og skemmtikraftur er ötull bloggari. Í nýjustu færslu sinni talar hann um stórveldi heims og skiptingu landsvæða og heimsálfa í áhrifasvæði þeirra.
„Stórveldi heims hafa öldum saman stundað það að skipta löndum og álfum heims í áhrifasvæði sín. Monroekenningin 1823 hefur að mestu verið í gildi síðan, og í lok Heimssstyrjaldarinnar skiptu Churchill, Stalín og Roosevelt Evrópu upp í áhrifasvæði Sovétmanna, Breta og Bandaríkjamanna.
Svo kyrfilega var frá þessu gengið, að enda þótt vesturveldin mótmæltu hástöfum þegar hervaldi var beitt til að bæla niður mótþróa í Austur-Þýskalandi 1953, Ungverjalandi 1956, Tékkóslóvakíu 1968 og Póllandi 1980, hreyfðu stórveldin ekki í raun hvorki hönd né fót.“
Að lokum bendir Ómar á þá staðreynd að Putin hefur tvívegis hótað beitingu kjarnorkuvopna.
„Stalín hótaði aldrei beitingu kjarnorkuvopna í orði, en Pútín hefur gert það tvívegis, þegar vestrænn tundurspillir gerðist ágengur við Krím 2014, og svo aftur nú.“